Mesazhet kryesore:
- Prodhimet e duhanit vrasin më shumë se 8 milionë njerëz për çdo vit. Industria e duhanit dhe industritë e ngjashme vazhdimisht duhet të gjejnë konsumatorë të rinj për t’i zëvendësuar ato që tashmë i kanë vrarë produktet e tyre dhe që ta ruajnë nivelin e të ardhurave.
- Kompanitë e duhanit shpenzojnë mbi 8 miliardë për marketing dhe reklamim ndërsa bota humbet 8 milionë jetë që janë shuar si pasojë e përdorimit të duhanit ose ekspozimit ndaj pirjes pasive të duhanit.
- Taktikat e industrisë së duhanit dhe industrive të ngjashme për targetimin e fëmijëve përfshijnë:
- Mbi 15,000 shije, pjesa më e madhe e të cilave i tërheqin fëmijët dhe adoleshentët
- Aktivistë në mediet sociale dhe marketing
- Evente dhe festa të sponsorizuara
- Bursa shkollore
- Dizajn elegant, seksi
- Vendosje të produkteve në mediet për zbavitje
- Mostra falas të produkteve
- Shitje e cigareve me copë, që e bën më të lehtë qasjen dhe varshmërinë
- Shitje e produkteve të vendosura në nivelin e shikimit të fëmijëve
- Vendosje e produkteve dhe reklamim i tyre në afërsi të shkollave
- Ne duam të krijojmë gjenerata të çliruara nga duhani dhe pirja pasive e tij, si dhe sëmundjet dhe vdekjet që shkakton ai.
- Çlirim nga manipulimet e industrisë së duhanit dhe industrive të ngjashme, përmes edukimit për taktikën e tyre dhe për dëmet që i shkaktojnë produktet e tyre.
- Përdorimi i duhanit është përgjegjës për 25% e të gjitha rasteve të vdekjes nga kanceri në mbarë botën. Përdorimi i nikotinës dhe produkteve të duhanit e zmadhon rrezikun nga kanceri, sëmundjet kardiovaskulare dhe respiratore.
- Çdo vit më shumë se 1 milion njerëz vdesin si pasojë e ekspozimit pasiv ndaj duhanit.
- Fëmijët dhe adoleshentët që përdorin e-cigare (cigare elektronike) janë për dy herë më të rrezikuar nga pirja e duhanit në vitet e mëvonshme.
- Përdorimi i e-cigareve e rrit rrezikun nga sëmundjet e zemrës dhe çrregullimeve të mushkërive.
- Nikotini në e-cigare është një drogë që shkakton një varshmëri të fuqishme dhe mund të shkaktojë dëmtim të trurit tek fëmijët.
- Pirja e nargjilesë është po aq e dëmshme sa edhe format e tjera të përdorimit të duhanit.
- Pirja më rrallë nuk do të thotë se është më pak e dëmshme.
- Duhanpirja kushton shumë, ndërsa çmimin më të lartë duhanpirësit e paguajnë me shëndetin e tyre. Duhani shkakton aromë të keqe të gojës, zverdh dhëmbët, shkakton rrudha në lëkurë, dëmton mushkëritë dhe e dobëson sistemin imunitar.
- Tymi i nargjilesë është toksik, përmban substanca të cilat shkaktojnë kancer.
- Përtypja e duhanit mund të shkaktojë kancer të gojës, humbje të dhëmbëve, zverdhje të dhëmbëve dhe sëmundje të gingivës.
- I inkurajojmë të gjithë që të edukohen, të vetëdijësojnë të tjerët dhe të krijojnë një gjeneratë e cila nuk do përdorë duhan.
