Çfarë është Dita botërore e ujit?

Dita Botërore e Ujit, e cila manifestohet çdo vit me 22 mars, ka për qëllim tërheqjen e vëmendjes për rëndësinë e ujit. Tema e këtij viti “Natyra për ujin” shqyrton zgjidhjet të bazuara në natyrën( ZBN – zgjidhjet e bazuara në natyrën) për sfidat lidhur me ujin me të cilat përballemi në shekullin e 21-të.

Fushata quhet „Përgjigja është në natyrë” dhe ngre vetëdijen për zgjidhjet të bazuara në natyrë (ZBN). Një porosi qendrore është se ZBN, siç është mbjellja e pemëve për të rimbushur pyjet, ri-lidhja e lumenjve me zonat e përmbytura dhe rivendosja e kënetave, është një mënyrë e qëndrueshme dhe me kosto efektive për të ndihmuar ribalancimin e ciklit të ujit, zbutjen e efekteve të ndryshimeve klimatike dhe përmirësimin e shëndetit dhe mirëqenies së njerëzve.

Duke përdorur ZBN-në për të ndihmuar në plotësimin e kërkesës për ujë për popullsinë që është në rritje, ne do të kontribuojmë në krijimin e një ekonomie rrethore, duke ndihmuar në mbrojtjen e mjedisit natyror dhe reduktimin e ndotjes – të dyja objektive kryesore në Qëllimin 6 për zhvillim të qëndrueshëm, e cila e detyron botën të sigurojë qasje dhe një menaxhim të qëndrueshëm me ujin dhe kanalizimin për të gjithë deri në vitin 2030.