Тренинг Модул во за напредни епидемиолошки методи (3)
По одржување на претходните два модула – првиот во Тунис од 27.10.-07.11.2014, со наслов „Вовед во интервентна епидемиологија“ и вториот – во Мадрид од 02-06 февруари, на тема „Компјутерски алатки за истражување на епидемија и мултиваријантни анализи“ во рамките на MediPIET програмата финансирана од Европската Комисија, а под стручно водство на Европскиот Центар за Контрола на Болестите (ЕЦДЦ) и Институтот за јавно здравје Carlos III од Мадрид, во Белград беше одржан третиот теоретски модул – „Напредни методи 2: Анализа на временски серии и просторни анализи“.
На модулот кој се одржа од 23-27 март, 2015 во Институтот за јавно здравје на Р. Србија „Д-р Милан
Јовановиќ Батут“ беа присутни 46 јавно здравствени специјалисти од 13 различни земји меѓу кои: Тунис, Египет, Палестина, Либан, Грузија, Ерменија, Молдавија, Босна и Херцеговина, Македонија, Црна Гора, Албанија, Косово, Србија и Шпанија.
Македонија, како една од четирите земји кои се со акредитирани тренинг центри за MediPIET-Програмата, учествуваше се пет члена делегација составена од специјализанти во програмата, надворешни членови и супервизор (ментор) на програмата.
Модулот беше отворен од Д-р Драган Илиќ директор на Институтот за јавно здравје на Србија,
поздравен говор и кратко излагање имаа и Д-р Маја Крчмар Вукичевиќ од ЕУ делагацијата на Србија, Д-р Предраг Саздановиќ – Советник на Министерот за Меѓународна соработка и Европска интеграција од Министерството за здравство на Србија, како и претставници на MediPIET-тимот – 
José Jaime de Domingo како MediPIET координатор и Д-р Adela Páez, MediPIET научен координатор.
Предавачи на модулот беа стручни лица од ЕЦДЦ – Стокхолм, Институтот за јавно здравје Карлос III, Универзитетот од Гирона – Шпанија, како и од Институтот за јавно здравје на Р. Србија.
Учеството на овој модул и успешно завршување на обуката за интервентна епидемиологија ќе овозможи континуирана едукација на стручните кадри од Македонија, преку пренесување на стекнатите вештини на стручњаците од земјата и секако приближување до Европските стандарди во однос на епидемиолошкиот надзор над заразни болести.
Линкови за повеќе информации:
Training module in Serbia on advanced epidemiological methods
