Состојба со COVID-19 во светот (09.03.2020)

Согласно последните податоци објавени од СЗО, заклучно со 09.03.2020:

Број на потврдени случаи на глобално ниво – 109.577 (3.993 нови)

Кина

Број на потврдени случаи – 80.904 (45 нови)

Број на смртни случаи – 3.123 (23 нови)

Други земји

Број на потврдени случаи – 28.673 (3.948 нови)

Број на смртни случаи – 686 (202 нови)

Број на зафатени земји/региони – 104 (3 нови)

Северна Македонија

Број на потврдени случаи – 7 (4 импортирани и 3 со локална трансмисија)

Број на прва линија контакти под 14-дневен надзор во изолација – 46

Денови од последно пријавување  на потврден случај – 0

Регистрирани се 6 нови случаи на COVID-19, двајца потврдени на 06.03.2020, еден на 08.03.2020 и тројца на 09.03.2020. Сите случаи се државјани на Р. С. Македонија. Три од заразените се најверојатно заболени во тек на нивниот престој во Италија, додека 3 случаи се контакти на веќе потврдени случаи (локална трансмисија). Сите случаи се хоспитализирани, ставени на изолација на КИБФС.

СЗО проценка на ризик

Кина – многу висок

Регионално ниво – многу висок

Глобално ниво – многу висок

Табела – Држави и територии со заболени и смртни случаи од COVID-19 заклучно со 09.03.2020 (категоризација на ризик)

Извор: СЗО

ПРЕВЗЕМЕНИ МЕРКИ ЗА КОНТРОЛА И ПРЕВЕНЦИЈА

За да се намали ризикот од внес и ширење на вирусот во Македонија, Институтот за јавно здравје изготвува и постојано ги ажурира информациите за состојбата со COVID-19  заболувањето во Европа и светот, и препорачува мерки за спречување на внесувањето на заболувањето и негово понатамошно ширење.

За запознавање на населението со болеста COVID-19, како и мерките за заштита од заразување со новиот корона вирус, изготвени се препораки за патници (флаер), како и алгоритми за постапки на здравствениот систем при појава на сомнителен случај.

За патниците кои доаѓаат од Кина, Италија и други земји со локална трансмисија, а немаат симптоми, при влез во државата се изготвени посебни препораки/упатства како да постапат ако развијат симптоми во рок од 14 дена по доаѓањето.

Активирана е термалната камера на Меѓународниот Аеродром Скопје, дежурна екипа спроведува термален скрининг на аеродромот Св. Апостол Павле во Охрид, а на граничните премини со соседните земји, граничната полиција е вклучена во надзорот на патниците кои доаѓаат од засегнатите области.

Во соработка со СЗО, Министерството за здравство организираше одржување на обуки за здравствените работници за запознавање со болеста, мерките на превенција, постапките и процедурите за земање на материјал и дијагностика, клинички менаџмент на потенцијални заболени како и правилно користење на личната заштитна опрема.

Изготвени се посебни постери на овие теми и истите се дистрибуирани до здравствените установи низ државата.

Формирани се Управувачки комитет за координација и управување во системот за управување со кризи и Кризен штаб за коронавирусот при МЗ, со вклучени експерти од повеќе области.

 УПАТСТВА И ПРЕПОРАКИ ЗА ЈАВНОСТА

Доколку имате дополнителни прашања во врска со болеста може да се јавувате на следните телефонски броеви

ЦЈЗ Битола                 071 261 330

ЦЈЗ Велес                   071 219 278

ПЕ Гевгелија              078 545 444

ЦЈЗ Кочани                 071 373 913

ЦЈЗ Куманово            070 215 851

ЦЈЗ Охрид                  070 723 029

ЦЈЗ Прилеп                 076 475 747

ЦЈЗ Скопје                  071 289 614

ЦЈЗ Струмица             072 235 543

ЦЈЗ Тетово                  075 240 464

ПЕ Гостивар               076 365 161

ЦЈЗ Штип                    078 365 613

ИЈЗ Скопје                  078 387 194

ЗД Ало докторе          02/15 123