Појавата на нови и стари микроорганизми и нивната зголемената отпорност кон антимикробни средства, се феномени кои укажуваат дека заразните заболувања и понатаму претставуваат закана за здравјето на населението и голем јавно-здравствен и социјален проблем. Здравствениот сектор мора да спроведува програми базирани на докази, насочени кон намалување на ризично однесување, навремено препознавање, регистрирање и третман на заболените лица, како и навремено преземање ефикасни мерки за спречување на појава и ширење на заразните заболувањата и нивно ставање под контрола, и промовирање на здравјето и благосостојбата.
Стабилен и современ систем за следење и одговор кон заразни болести е неопходен за навремено детектирање како предуслов за брз одговор кон заканите од заразни болести.
Во контекст на заложбите на Македонија за интеграција во Европската Унија, потребно е да се продолжи со активности насочени кон усовршување и хармонизирање на системот за следење и одговор на заразните болести и обезбедување на компарабилни податоци со Европскиот центар за контрола и превенција на заразни болести (ЕЦДЦ) и СЗО.
Публикации:
