Одделението за испитување на здравствена исправност на предмети за општа употреба е од големо значење, бидејќи е единствено засебно одделение и акредитирано од ваков вид во РСМ.

Во ова одделение се вршат испитувања на здравствената исправност на:

1. материјали и производи наменети да дојдат во контакт со прехрамбените производи, кои мораат да исполнуваат општи и посебни услови, така да не влијаат на квалитетот и безбедноста на храната и да не го загрозуваат здравјето на потрошувачите;
2. испитувања на здравствената исправност на материјали и производи наменети да дојдат во контакт со кожа и слузокожа;
3. како и испитување на безбедноста и здравствената исправност на детските играчки.

Испитувањата се изведуваат согласно постојната национална законска регулатива, која се однесува на предметите за општа употреба и детски играчки, како и најновите ЕУ Регулативи и Директиви.

Од параметрите кои се тестираат на поедини видови на предмети се:

1. целосна миграција на неиспарливи супстанции,
2. специфична миграција на метали,
3. специфична миграција на сума од примарни ароматични амини,
4. испуштање на боја во тест раствор и
5. тестирање на механички и физички својства на детски играчки.

Одделението врши тестирања согласно следнава поделба на предметите за општа употреба (од увоз и домашно производство):

1. садови и прибор за животни намирници (стакло, керамика, дрво, хартија, метал, емајл);
2. амбалажа за животни намирници;
3. детски играчки;
4. средства за лична хигиена;
5. средства за хигиена во домаќинство;
6. прибор за мали деца и доенчиња;
7. пластични гранулати;
8. делови од машини и
9. амбалажа.