Shfaqja e mikroorganizmave të rinj dhe të vjetër dhe rritja e rezistencës së tyre ndaj preparateve antimikrobike janë fenomene që tregojnë se sëmundjet ngjitëse vazhdojnë të paraqesin një kërcënim për shëndetin e popullatës dhe një problem madhor shëndetësor publik dhe social. Sektori i shëndetësisë duhet të zbatojë programe të bazuara në fakte që synojnë reduktimin e sjelljes së rrezikshme, njohjen në kohë, regjistrimin dhe trajtimin e personave të infektuar, si dhe marrjen në kohë të masave efikase për parandalimin e shfaqjes dhe përhapjes së sëmundjeve ngjitëse dhe kontrollimin e tyre, si dhe promovimin e shëndetit dhe mirëqenies.
Një sistem i qëndrueshëm dhe modern për monitorimin dhe reagimin ndaj sëmundjeve ngjitëse është i domosdoshëm për zbulimin në kohë si parakusht për një reagim të shpejtë ndaj kërcënimeve nga sëmundjet ngjitëse.
Në kuadër të përkushtimit të Maqedonisë së Veriut për integrim në Bashkimin Evropian, është e nevojshme të vazhdohet me aktivitetet që kanë për qëllim përmirësimin dhe harmonizimin e sistemit për monitorim dhe reagim ndaj sëmundjeve ngjitëse dhe sigurimin e të dhënave të krahasueshme me Qendrën Evropiane për Kontroll dhe Parandalim të Sëmundjeve Infektive (ECDC) dhe OBSH-në.
Publikime:
