Njësia e ekzaminimit të rregullshmërisë shëndetësore të gjësendeve për përdorim të përgjithshëm ka një rëndësi të madhe, sepse është njësia e vetme e akredituar e këtij lloji në RMV.

Në këtë njësi bëhet ekzaminimi i rregullshmërisë shëndetësore të:

1. materialeve dhe produkteve që vijnë në kontakt me produktet ushqimorem, të cilat duhet të plotësojnë kushte të përgjithshme dhe të veçanta që të mos ndikojnë në cilësinë dhe sigurinë e ushqimit dhe të mos e rrezikojnë shëndetin e konsumatorëve;
2. ekzaminimi i rregullshmërisë shëndetësore të materialeve dhe produkteve që vijnë në kontakt me lëkurën dhe mukozën;
3. si dhe ekzaminimi i rregullshmërisë shëndetësore i lodrave për fëmijë.

Ekzaminimet kryhen në përputhje me legjislacionin kombëtar ekzistues, i cili u referohet objekteve për përdorim të përgjithshëm dhe lodrave për fëmijë, si dhe Rregulloreve dhe Direktivave më të fundit të BE-së.

Parametrat të cilat testohen për lloje të veçanta të gjësendeve:

1. migrimi i plotë i substancave të pa avullueshme;
2. migrimi specifik i metaleve;
3. migrimi specifik i shumës së amineve aromatike primare;
4. lëshimi i ngjyrës në tretjen e testimit, dhe
5. testimi i vetive mekanike dhe fizike të lodrave për fëmijë.

Në këtë Njësi bëhen testime në pajtim me këtë ndarje të gjësendeve për përdorim të përgjithshëm (të importuara ose prodhim vendor):

1. enë dhe pajisje për produkte ushqimore (nga qelqi, qeramika, druri, letra, metali, smalti);
2. ambalazh për produkte ushqimore;
3. lodra për fëmijë;
4. mjete për higjienë personale;
5. mjete për higjienë në amvisëri;
6. enë për fëmijë të vegjël dhe foshnja;
7. granulate plasmasi;
8. pjesë të makinave, dhe
9. ambalazh.