На 24 април 2026 година, на граничниот премин Табановце, успешно беше реализирана теренска вежба во организација на Дирекцијата за радијациона сигурност. Вежбата имаше за цел унапредување на националната подготвеност и меѓуинституционалната координација при справување со потенцијални радиолошки закани, како и идентификација на непознати извори на јонизирачко зрачење.

Активно учество во вежбата земаа физичарите од Одделението за радијациона заштита при Институтот за јавно здравје, кои придонесоа со стручен теоретски осврт и практична реализација преку симулација на реални сценарија. Преку ваквиот интегриран пристап, учесниците имаа можност да ги унапредат своите знаења и вештини за брза, координирана и ефикасна реакција на терен.

Во вежбата беа вклучени и претставници од Граничната полиција, Царинската управа, РЖ Техничка контрола и Биотек, со што се обезбеди мултиинституционален пристап и дополнително се зајакна меѓусебната соработка.

Овој тип на активности претставува значаен чекор кон унапредување на националната подготвеност и безбедност во областа на радијационата заштита.