Преглед на епидемиолошката состојба со ХИВ во Р.С. Македонија и постигнатите резултати согласно Програмата за заштита на населението од ХИВ за 2019 година (заклучно со 1 декември)

Клучни факти за ХИВ во светски рамки

• од сите инфицирани лица во светски рамки (37,9 милиони лица), 1,7 милиони се деца на возраст под 15 години
• 1,7 милиони лица се ново инфицирани во 2018 година.
• 160000 деца се инфицирале со ХИВ во 2018 година
• Досега 32 милиони лица починале од причини поврзани со ХИВ/СИДА
• 770 000 лица починале во 2018 година.
• Повеќе од 50% од лицата кои живеат со ХИВ примале анти-ретровирусна терапија (АРТ).

Кумулативни податоци за Р. С. Македонија за период 1987-2019 година

• Од 1987 до сега се регистрирани 460 случаи на ХИВ
• 404 (88%) се од машки пол а 56 (12%) се од женски пол
• 104 лица починале од причини поврзани со ХИВ

 Начин на пренесување (трансмисија) на ХИВ

• 56% од случаите се кај мажи кои имале секс со маж,
• Хетеросексуалниот начин на пренос е регистриран кај 36% од случаите.
• Лица кои инјектираат дроги учествуваат со 2,5%.
• По 6 случаи се регистрирани кај лица со хемофилија (последниот пред 15 години) и пренос од мајка на дете.

Дистрибуција по возрасни групи

• 64% од лицата кои живеат со ХИВ во Р.С. Македонија се на возраст од 20-39 години

 Состојба со ХИВ во Р.С. Македонија во 2019 година

• Пријавени се 57 нови случаи на ХИВ, од кои 55 се од машки пол
• Просечната возраст на новите случаи е 34 години (од 19 до 64 години)
• 44 лица или 77% се на возраст од 20 до 39 години
• 9 случаи биле на возраст од 40-49 години, еден на возраст од 19 години и 3 се постари од 50 години.
• 70% од случаите се мажи кои имале секс со мажи ( МСМ)
• 28% од лица пријавиле хетеросексуален начин на пренос
• 27 случаи се со место на живеење во Скопје
• 30 случаи се регистрираат од 12 други градови од Р.С. Македонија.

Дистрибуција на случаите според ЦЈЗ

Постигнати резултати за превенција на ХИВ инфекција во 2019 – Заедниците ја прават разликата!

Центри за јавно здравје

• 700 лица добиле бесплатно и доверливо тестирање за ХИВ
• Одржани се 150 едукативни сесии во училишта и колективи

 Стадиум на ХИВ асоциран имун дефицит при дијагностицирање

• Во 2019 г. само 34% ХИВ позитивни случаи се навреме дијагностицирани!
• 66% од случаите на ХИВ позитивни во 2019 г. се дијагностицирани задоцнето (10% повеќе од 2018).
• Дополнително, 22% се дијагностицирани со сериозен имун дефицит (ЦД4 под 200).